196 vota mori në zgjedhjet e 23 prillit.
Ky rezultat preliminar i së dielës e bën fitues Izmir Zeqirin i cili do të udhëheq me Komunën e Zubin Potokut.
Zeqiri i cili vjen nga radhët e Partisë Demokratike të Kosovës tregon që udhëheqja e komunës do të jetë sfidë teksa rendit prioritetet e tij.
Bashkëpunim më serbët lokalë, ka premtuar edhe fituesi i zgjedhjeve në Komunën e Leposaviqit, Lulezim Hetemi i cili vjen nga Lëvizja Vetëvendosje.
E profesori i shkencave politike, Nexhmedin Spahiu, thotë që qëllimi i këtyre zgjedhjeve është vendosja e flamurit shtetëror në këto komuna .
Shqiptarët që jetojnë në këtë pjesë të vendit kanë treguar pritshmëritë e tyre.
E kënaqur më jetën e saj në Kosovë është edhe një qytetare serbe.
“Unë jetoj këtu së bashku me shqiptarët dhe serbët dhe askush askënd nuk e ngacmon. Kam fqinjë shqiptarë në hyrje dhe kalojmë shumë mirë, shkojmë blejmë bukë te shqiptarët, ata vijnë te ne dhe kalojmë shumë mirë”, tha një qytetare serbe.
Por dikush tjetër e sheh të arsyeshme mos pjesëmarrjen e serbëve në zgjedhje.
“Shikuar nga ana pikëpamja serbe, mendoj se serbët janë në të drejtën e tyre dhe po i mbrojnë interesat e popullit serb”, tha qytetari Bojan Plamovic.
E një pjesë tjetër e tyre nuk kanë dashur t’i komentojnë rreth zgjedhjeve.(Efekt)
Në bazë të rezultateve preliminare, Lëvizja Vetëvendosje do të udhëheq me komunën e Mitrovicës Veriore dhe Leposaviqit, kurse Zvecani dhe Zubin Putoku do të drejtohen nga Partia Demokratike.
Kronika e gazetares Doresa Geci.
