Nënkryetarja e Partisë Demokratike të Kosovës, Vlora Çitaku, ka shprehur ngushëllime për familjarët e dy viktimave që humbjen jetën si pasojë e reshjeve të shiut në Pejë.
Çitaku ka shkruar se është zemërthyer me pamjet tronditëse nga Peja.
Gjithashtu, ajo ka shkruar se në këto momente të rënda, institucionet qendrore dhe ato lokale të tregojnë solidaritet për sanimin e dëmeve të shkaktuara.
“Zemërthyer me pamjet tronditëse nga Peja. Ngushllime familjarëve të Dion Ademaj dhe Mirsada Ademaj. Shpresoj që në këto momente të rënda, institucionet qendrore dhe ato lokale të tregojnë solidaritetin e domosdoshëm për sanimin e dëmeve të shkaktuara nga vërshimet”, ka shkruar Çitaku./teve1.info/
