Nënkryetarja e PDK-së, Vlora Çitaku ka reaguar pas vrasjes së mbrëmshme të një gruaje në Pejë, e cila dyshohet se u krye nga i biri i viktimës.
Çitaku ka thënë se duhet të ketë menjëherë veprim institucional ndaj fenomenit të vrasjes së grave.
“Si Institucione e sidomos si shoqëri duhet të ndërrmarrim hapa të menjëhershëm për ta ndalur këtë fenomen tmerrues”, ka shkruar Çitaku.
Sipas ish-ambasadores nuk mjafton që dhuna e vrasja të jenë ligjërisht të dënueshme.
“Me vra gra, me ushtru dhunë duhet të jetë jo vetëm ligjërisht e dënueshme, por edhe kulturalisht a papranueshme”, ka shkruar ajo.
