Sekretarja e përgjithshme e Partisë Demokratike të Kosovës, Vlora Çitaku ka deklaruar se zgjidhja e ngërçit politik duhet të vijë nga reflektimi i Lëvizjes Vetëvendosje, ndërkohë që ka kërkuar më shumë angazhim edhe nga presidentja e vendit.
Në një deklaratë për media pas dështimit të seancës së 32-të për konstituimin e Kuvendit të Kosovës, Çitaku theksoi nevojën që presidentja të ushtrojë kompetencat e saj për të ndihmuar në tejkalimin e situatës.
“Në këtë rast, zgjidhja e vetme është që LVV të reflektojë, mirëpo në të njëjtën kohë i bëjmë thirrje edhe presidentes që të marrë një rol më aktiv sepse në kuadër të kompetencave të saj është edhe mbarëvajtja dhe funksionimi demokratik i institucioneve”, ka thënë Çitaku.
