Nënkryetarja e PDK-së, Vlora Çitaku ka thënë se kryeministri Albin Kurti në negociata e ka përballë Serbinë e jo opozitën.
Ajo përmes një shkrimi në Facebook ka thënë se Kurti duhet të negociojë me Serbinë dhe emisarët ndërkombëtarë dhe atyre të ua tregojë kushtet për themelimin e Asociacionit e jo siç tha ajo opozitës.
“Kryeministri në negociata e ka përballë Serbinë, dhe emisarët në mes. Me ta duhet të negociojë. Jo me ne. Atyre duhet thënë kushtet, e jo neve. Për PDK-në, interesi i Kosovës është gjithmonë para kundërshtive të brendshme”, tha ajo.
Madje sipas Çitakut PDK-ja, është konsistentë në raport me kryeministrin Kurti sa i përket marrëveshjes e cila në qendër ka njohjen reciproke.
“Për dallim nga Kryeministri, PDK është konsistente për dialogun. Ne mbështesim një marrëveshje gjithëpërfshirëse e cila në qendër ka njohjen reciproke. Ndërkohë, për Kryeministrin, ballafaqimi me arkivat e lajmeve dhe rrëfimeve që i ka ndërtuar vet, duket të jetë më i vështiri”, shktoi tutje ajo./teve1.info./