Përtypja e çamçakëzit është një nga… zakonet mekanike të shumë njerëzve. Disa për të “mashtruar” urinë e tyre, të tjerë sepse nuk duan të pinë duhan dhe kërkojnë diçka për ta mbajtur gojën… të zënë.
Sidoqoftë, mund të ofrojë përfitime shëndetësore. Pavarësisht nëse preferoni shije menteje, kanelle apo frutash, çamçakëzi ofron një shije të ëmbël e të këndshme. Ndonjëherë, dëshironi një shije të ëmbël pa u përpjekur të merrni një grusht karamele. Përtypja e çamçakëzit mund të jetë veçanërisht e dobishme nëse hani ëmbëlsira nga mërzia. Goja juaj është e zënë dhe kjo mund të jetë një gjë e mirë.
Mund t’i ndihmojë disa njerëz të rregullojnë oreksin e tyre, por nuk duhet të konsiderohet si një “pilulë magjike” për humbje peshe. Gjithashtu, megjithëse ka mungesë kërkimesh, një studim i botuar në vitin 2012 në revistën “Obesity” zbuloi se përtypja e çamçakëzit rregullisht për dy muaj nuk çoi në humbje peshe tek njerëzit që ishin mbipeshë ose obezë.
Çamçakëzi mund të freskojë frymëmarrjen tuaj, por nuk do ta rregullojë shëndetin e dobët oral. Megjithatë, njerëzit që përtypin çamçakëz pa sheqer zhvillojnë më pak prishje të dhëmbëve sesa ata që nuk e bëjnë, sipas një analize të vitit 2019 të botuar në revistën JDR Clinical & Translational Research.
Siç shpjegon Shoqata Amerikane e Stomatologjisë, përtypja e çamçakëzit pa sheqer pas një vakti stimulon rrjedhjen e pështymës, e cila ndihmon në forcimin e smaltit dhe shpëlarjen e gojës.
Për më tepër, ndërsa të gjithë mund ta përjetojnë stresin ndryshe, disa gjëra – si aktiviteti fizik dhe gjumi – mund t’ju ndihmojnë të relaksoheni. Përtypja e çamçakëzit është një tjetër alternativë, sipas një analize të vitit 2022 të botuar në Journal of Healthcare Engineering.
Megjithatë, ka disa efekte anësore të mundshme që duhet të mbani mend nëse përtypni çamçakëz me fanatizëm.
Edhe pse ky zakon mund të ndihmojë në përballimin e një dëshire të fortë për sheqer, nëse përtypni çamçakëz në vend që të hani ushqim dhe me qëllim frenimin e oreksit tuaj, kjo mund të çojë në zakone të çrregullta të të ngrënit.
Gjithashtu, nëse konsumoni çamçakëz që përmban alkool, kini kujdes nga problemet gastrointestinale. Trupi nuk i përthith plotësisht ato, kështu që lihen të fermentohen në sistemin tretës, gjë që shkakton simptoma të pakëndshme.
Së fundmi, kur jeni mësuar të hani ëmbëlsira gjithë ditën, mund të dëshironi më shumë për shkak të shijes së çamçakëzit. Disa biskota (ose disa fruta, si manaferrat) mund të jenë pjesë e një diete të shëndetshme.
Siç këshillojnë ekspertët, duhet të pyesni veten se si ndiheni pasi të keni përtypur çamçakëz. Duke i kushtuar vëmendje reagimit tuaj, mund të përcaktoni nëse ose sa shpesh duhet ta përtypni. Nëse përtypja e çamçakëzit është një zakon i këndshëm që ofron përfitime në një farë mënyre, nuk ka arsye ta hiqni atë nga jeta juaj.
