Çeku ka thënë se këto masa janë masa të përkohshme, por sipas tij, nuk e zgjidhin problemin me energjinë.
“Është një zhvillim pozitiv në aspektin e masave që ka marrë Qeveria për të zvogëluar konsumin e energjisë elektrike. Janë masa të vogla nuk duhet të presim nga një zhvillim spektakolar që mund të ndodhë sepse janë 6 milionë buxhet dhe dihet se është një buxhet i vogël që të shyhet dimri dhe jo që mund të zgjidhë problemin me energjinë”, ka deklaruar Çeku në emisionin “Ditari” në Tëvë1.
Sipas tij, zgjidhje e problemit është që të ndërtohen blloqe të reja të termocentralit në Kosovë.
“Këto masa nuk mund të ndihmojnë aq shumë në zgjidhjen e problemit, por e zvogëlon deri diku shpenzimin e energjisë elektrike, por janë masa të përkohshme. Për mua zgjidhja e problemit është zhvillimi i blloqeve të reja të termocentralit në Kosovë, të ndërtohen blloqe të reja”, tha Çeku.
Sot Ministrja e Ekonomisë , Artane Rizvanolli ka prezantuar masën për subvencionim të energjisë në vlerë prej 6 milionë euro, ku përfitues do të jenë mbi 10 mijë familje. /teve1.info/
