Ministri në detyrë i Arsimit dhe Shkencës, Hajrulla Çeku, ka pritur në takim nxënësit e ekipit përfaqësues të Kosovës, të cilët fituan medalje në Olimpiadën Botërore të Matematikës, të mbajtur në Frankfurt.
Sipas njoftimit, nxënësit kosovarë morën pjesë në këtë garë të madhe ndërkombëtare së bashku me mbi 20 mijë nxënës nga 173 shtete të botës.
Nga tetë nxënësit pjesëmarrës nga Kosova, secili prej tyre arriti të fitojë të paktën dy medalje, duke shënuar një sukses të rëndësishëm për vendin në fushën e matematikës dhe shkencës.
Gjatë takimit, Çeku I ka përgëzuar nxënësit për angazhimin, përkushtimin dhe rezultatet e arritura, duke theksuar se këto suksese dëshmojnë potencialin dhe talentin e të rinjve të Kosovës.
Nga ana tjetër, nxënësit kanë falënderuar ministrin për pritjen dhe mbështetjen e vazhdueshme, ndërsa ndanë edhe përvojat e tyre nga pjesëmarrja në olimpiadë./teve1.info/
