Kur bie borë apo shi, një rrugë në “Dragodan” të kryeqytetit që të dërgon në Shkabaj po bëhet e vështirë për të kaluar për shumë shoferë të automjeteve.
Kjo pasi ata po detyrohen të kalojnë në kahjen e kundërt të rrugës për të mos rënë në gropën e mbushur me ujë.
Sipas tyre, kjo gjendje po krijon rrezikshmëri në komunikacion.
“Çdo ditë i bie kësaj rruge, për shkak të komunikacionit anej më larg. Dhe çdo ditë e kena kështu vështirësi, me ujë, me ndërpremje makinave, nalem, presim, koha po kalon…. Është e rrezikshme se kçyre qysh hin makina anej, ti duhesh me ja lëshu rrugen knej. Normal që është e rrezikshme”, tha qytetarja Alie Maksuti.
“Çka me kqyr tmerr vallahin…. Boll valla s’ki ka me shku hiq. Kqyr çka ka bo”, tha qytetari Fitim Halimi.
I pakënaqur është edhe qytetari Albion Igrishta.
“Na myten. Krejt telashe, po na duhet me prit atje për mu kyç marum….”, tha ai.
Ndërkohë kjo rrugë, sipas disa qytetarëve ka mbetur në këtë gjendje që katër vite.
Televizioni ka tentuar të marrë gjithashtu një përgjigje edhe nga Komuna e Prishtinës, por të njëjtit nuk kanë kthyer përgjigje deri në publikimin e kronikës.
Kronikë e realizuar nga gazetarja Adea Mustafaj.
