Analisti, Blerim Canaj vlerëson se kryeministri Albin Kurti nuk është fare i interesuar që të krijojë ndonjë koalicion ose që ta marrë pushtetin.
Canaj mendon kështu pasi sipas tij Kurti ka pritur dhe ka besuar që në zgjedhjet e 9 shkurtit do të marrë 50 përqind të votave.
Ai në emisionin “Ditari” në Tëvë1 ka thënë se parashikon një qeveri të të opozitës ose një ngërç politik për ca kohë.
“Unë kam përshtypjen se Albin Kurti nuk është fare i interesuar që të bëjë koalicion dhe ta marr pushtetin, nga ajo që e thotë Kurti duket qartazi. Kam përshtypjen që Albini e ka pritur atë 50 përqindshin, me të vërtetë ka besuar në atë 500K dhe dhe me një parti në koalicion nuk e besoj që është i gatshëm ta bëjë e sidomos kur dihet trashëgiminë të cilën e lë ai pas katër vjetësh qeverisje. Në këtë kontekst e shoh, një qeveri të opozitës ose një ngërç politik për ca kohë”, ka deklaruar ai
