Në zyrat e Federatës së Futbollit të Kosovës (FFK), të enjten është tërhequr shorti për delegimin e gjyqtarëve për ndeshjet e xhiros së 19-të.
Erdall Zasella do të jetë gjyqtar kryesor në ndeshjen Ballkani – Dukagjini që luhet të premten, ky do të asistohet nga Fatlum Berisha e Faton Jakupi derisa i katërti është Eridon Podvorica.
Të premten luhet edhe ndeshja Drita – Malisheva, me Dardan Çakën kryesor, Edmond Zeqirin e Bekim Ramën asistentë dhe Isak Cerovikun gjyqtar i katërt.
Edhe të shtunën, do të luhen dy ndeshje: Llapi – Gjilani dhe Prishtina Suhareka.
Gjyqtari Genc Nuza do të jetë kryesori në Podujevë me asistentët Besnik Morina e Gëzim Mejhmeti derisa Gramos Shala është arbitri i katërt.
Përballja në Prishtinë do të drejtohet nga Visar Kastrati, i cili do të ndihmohet nga Lumturie Muhadri e Meriton Berisha derisa Bardh Ajeti është gjyqtari i katërt.
Ferizaj – Feronikeli ’74, është ndeshja e fundit për këtë xhiro dhe luhet të hënën kurse gjyqtar kryesor është Burim Jahmurataj.
Bujar Selimaj do të jetë asistenti i parë, Kastriot Peci i dyti kurse Egzon Daka është gjyqtari i katërt.
