Të enjten janë caktuar gjyqtarët që do të ndajnë drejtësinë në ndeshjet e xhiros së shtatë të Superligës së Kosovës në futboll.
Në selinë e Federatës së Futbollit të Kosovës është bërë tërheqja e shortit për gjyqtarët, ndërsa derbin e xhiros së shtatë, atë ndërmjet Llapit dhe Suharekës, drejtësinë do ta ndaj Mentor Ajeti.
Ajeti është caktuar të jetë gjyqtar kryesor i këtij dueli, i cili luhet të premten prej orës 15:00 në Podujevë.
Asistentë të Ajetit do të jenë Altin Zhegrova e Bekim Rama ndërsa gjyqtar i katërt do të jenë Lirim Jashari.
Në ndeshjen Dukagjini – Drita që luhet të shtunën në Klinë, gjyqtar kryesor do të jetë Erdall Zasella me asistentët Fatlum Berisha e Gzim Mehmeti, ndërsa Isak Cerroviku do të jetë gjyqtari i katërt.
Vigan Ibërdmaj është gjyqtar kryesor në duelin tjetër të së shtunës, Ballkani – Ferizaj, ku asistentë do të jenë Edmond Zeqiri e Alban Ejupi kurse gjyqtar i katërt është Valon Bajgora.
Feronikeli ’74 – Malisheva, do të drejtohet nga Mervan Bejtullahu si kryesor, pastaj asistentët Granit Hyseni e Kastriot Peci, ndërsa gjyqtar i katërt do të jetë Gramos Shala.
Kjo ndeshje luhet të dielën sikurse edhe dueli Gjilani – Prishtina, ku gjyqtar kryesor ëshët Dardan Çaka i ndihmuar nga asistentët Arbnor Bullatovci e Zgjim Rrahimi derisa arbitri i katërt është Egzon Dakaj.
