Cakolli thotë se skandali ku supozohet se është përfshirë ambasadori Berishaj, është i karakterit ndërkombëtar.
“Skandali ku supozohet se është i përfshirë Martin Berishaj është i karakterit ndërkombëtar. E duke qenë se Berishaj është përfaqësues i Kosovës në marrëdhëniet ndërkombëtare, kjo e bën momentalisht krejt jorelevant faktin se a mund të jetë kjo shpifje dhe lojë politike në kuadër të garës zgjedhore në Slloveni, apo jo. E rëndësishme është që përfolja në skandale e një ambasadori të shtetit, e cenon kredibilitetin dhe imazhin e Kosovës”, ka shkruar ai në një postim në Facebook.
Sipas tij, përpjekjet e krerëve institucional për t’a mbrojtur publikisht ambasadorin nuk i ndihmojnë as a tij e as Kosovës.
“Në anën tjetër, përpjekjet e krerëve institucional për t’a mbrojtur publikisht ambasadorin Berishaj nuk i ndihmojnë as atij e as Kosovës. Përkundrazi, veç dëm shkaktojnë. Ndryshe, ambasadori Berishaj – me gjithë kontributin dhe bagazhin e madh që bart – do të duhej që vet të ofrojë dorëheqjen, e të mos pranojë që të jetë pjesë e përplasjeve e lojërave politike edhe në Kosovë. Kjo, të paktën deri sa të sqarohet plotësisht çështja dhe të ketë një epilog gjyqësor”, përfundoi Cakolli. /teve1.info/
