Profesori universitar, Seb Bytyçi ka deklaruar se Kosovës mund të mos i hiqen në tërësi masat e vendosura nga Bashkimi Evropian, shkruan teve1.info.
Kështu tha Bytyqi duke iu referuar raportit që pritet të vie nga përfaqësuesi i lartë i Bashkimit Evropian, Josep Borell.
“Mund të pritet që do të ketë një raport por a do të ketë një raport në kohën e duhur që të merret një vendim i shpejtë nuk është e sigurtë. Mund të merr kohë por gjithashtu edhe nëse vie raporti nga përfaqësuesi Borrell përsëri vendimi nga komisioni mund të jetë që të mos hiqen masat tërësisht por vetëm pjesërisht”, tha Bytyqi në emisionin “Ditari” në Tëvë1.
Kjo sipas tij, mund të ndodhë për shkak të presionit mbi Kosovën dhe qasjes së Bashkimit Evropian ndaj dialogut Kosovë-Serbi.
“Ka mundësi që të vendoset, që një pjesë e masave të lihen aty dhe kjo për shkak të presionit mbi Kosovën. Do me thënë e gjithë qasja e BE-së, ndaj dialogut është bazuar në koncentrimin e presionit më shumë te Kosova. Sepse Kosova është palë më e dobët dhe e pranon më lehtë atë presion dhe kështu është ndërtuar qasja ndaj dialogut”, shtoi profesori universitar.
Kujtojmë që Bashkimi Evropian ka vendosur masa ndëshkuese ndaj Kosovës në qershor të vitit 2023, si pasojë e tensioneve në veri, që kulmoi me hyrjen e kryetarëve shqiptarë në objektet komunale.
Zyrtarët e BE-së pas vendosjes së masave kishin deklaruar se këto janë të përkohshme dhe plotësisht të kthyeshme në varësi të zhvillimeve në terren.
Derisa partitë opozitare në vend po thonë se është momenti i fundit që Bashkimi Evropian t’i largojë masat ndëshkuese ndaj Kosovës, thonë përfaqësues të pozitës, opozitës dhe njohës të integrimeve evropiane.
Sipas tyre, përkundër dështimit të shkarkimit të kryetarëve në katër komunat veriore, në votimin e 21 prillit, Kosova ka përmbushur zotimet në dakordimin e Bratisllavës me BE-në për shtensionimin e situatës në veri../teve1.info./
