Profesori universitar nga Londra, Seb Bytyçi, është deklaruar lidhur me paralajmërimin e dy partive opozitare (PDK, AAK) se do ketë zgjedhje të parakohshme “për shkak të mospajtimeve” të Qeverisë së Kosovës me kërkesat e ndërkombëtare sa i përket dialogut me palën serbe.
Bytyçi nuk mendon që zgjedhjet do të ndodhin për shkak të një ndonjë mospajtimi sa i përket kërkesave në dialog.
“Nuk mendoj që zgjedhjet ndodhin për shkak të ndonjë mospajtimi me kërkesat në dialog. Zgjedhjet nëse ndodhin, ndodhin për shkak të agjendës së brendshme dhe nevojave për ndryshimin në qeveri, nevojave për riformatim, nevojave për të mos humbur kohë në kuptimin që Kosova të përfundojë procesin zgjedhor dhe të jetë me qeveri të re, në momentin që kur ndodhin zgjedhjet në Evropë dhe në ShBA që të mos humbet kohë pastaj të futet Kosova në një proces zgjedhor, të mos jetë me një qeveri stabile që të është e gatshme të ballafaqohet me kërkesat e reja diplomatike”, tha ai në emisionin “Ditari” në Tëvë1.
Sipas tij, nëse ndodhin zgjedhjet – duhet të ndodhin në të njëjtën kohë me zgjedhjet në Evropë ose në ShBA.
“Nëse ndodhin zgjedhjet, duhet të ndodhin pak a shumë në të njëjtën kohë kur janë zgjedhjet në Evropë ose në ShBA, në mënyrë që të përfundohet procesi zgjedhor dhe të krijohet qeveria sa më shpejtë. Të mos jetë Kosova në një gjendje kur nuk ka qeveri të formuar dhe stabile, në momentin kur formohet për shembull Komisioni i ri Evropian, apo qeveria e re në ShBA, dhe shtohet kërkesat për negociata për shtim të intensitetit në dialog me Serbinë”, shtoi profesori universitar./teve1.info/
