Njëra nga rrugët në fshatin Mihaliqit të Vushtrrisë e pakalueshme për automjete. E bujqve kjo po ju shkakton probleme të mëdha pasi që nuk po kanë mundësi të kalojnë më traktor. E nga komuna premtojnë zgjidhje
Është në këtë gjendje tash e sa kohë.
Kështu veturat e traktorët në fshatin Mihaliq të Vushtrrisë e kanë të pamundur të qarkullojnë.
E të mllefosur me këtë gjë janë më së shumti bujqit.
Kjo për shkakun se po ia vështirëson punën në tokat e tyre.
Disa nga bujqit thonë për televizionin së kanë qenë me qindra herë në komunë për të kërkuar zgjidhje.
Por zgjidhjen nuk e gjetën.
“Asnjëri, kerkush sna ka bo zgjidhje sen tZotit”
“Ankesa jonë jena kanë të kryetari e te qëta drejtorat, nuk kanë kurfar përgjigje që katër a pesë herë jam shku në komunë as që dojnë me ni”, ka thënë banori, Xhafer Osmani.
E këta janë të detyruar që të përdorin rrugë alternative për të mbërritur në tokat e tyre.
“Mos me kanë qiky kojshia mos me na lanë në rrugë me hi na skena ka shkojna. Unë i kom 15 hektar patate edhe grun e sene për faqë të zezë nëpër ara po duhet me shku me nga për me kalu prrugen e trenit në kamë se me traktor jo”.
Ndërkaq bujku thotë që po neglizhohen nga komuna lidhur me rregullim e këtij problemi.
“Ku i kanë ata tvetit shkojnë i ndreqin se në tonat anë qashtu ia kanë bo ku janë njerëzit e vet shkojnë i ndreqin.Ku skena njerëz na skena kërkon as nkomun as sen të Zotit hiç qe jëna pa rrugë.”
Kurse nga Komuna në Vushtrri kanë një arsyetim për këtë.
“Hekurudha që është ndërtua e ka dëmtu rrugën dhe është bo e vështirë për me dal me i punu tokat e tyre në kohën kur e kanë paraqit ankesën nuk kemi mujt me intervenu për shkak se ka qenë tu u ndërtu hekurudha dhe nuk kanë qenë binarët e vendosur pra nuk kanë qenë kuotat nuk e kemi ditë naltësin”, ka thënë kryetari i Vushtrrisë, Ferit Idrizi.
I pari i komunës së Vushtrrisë tregoi se brenda dy ditësh se bashku me Drejtorin e Emergjencave do dërgojnë dikë që të sanojnë problemin.