Përzgjedhësi i Shqipërisë U21, Alban Bushi, të shtunën ka shpallur listën për miqësoret me Gjermaninë dhe Zvicrën.
Shpresat e Shqipërisë luajnë me Gjermaninë më 5 shtator në Elbasan, ndërsa me Zvicrën më 8 shtator në udhëtim.
Në listën e Bushit janë disa lojtarë nga Kosova. Etnik Brruti i Malishevës është prej mesfushorëve, ndërsa Ermir Rashica pritet ta udhëheqë sulmin. Janë ftuar edhe Luan Simnica, Enes Osmani, Gent Elezaj e disa të tjerë.
Shqipëria U21 nuk paraqitet në kualifikime për Euro 2027, pasi FSHF-ja e organizon këtë ngjarje bashkë me Federatën e Futbollit të Serbisë. Ekipet e dy vendeve organizatore kualifikohen direkt.
