Chelsea dhe Manchester United i kanë ndarë pikët në derbin e zhvilluar në kuadër të javës së 13-të, që përfundoi me rezultat 1-1.
Një pjesë e parë me nisje me të mirë nga “djajtë e kuq” e me vonë blutë filluan këndelljen, por pa u prekur rrjetat.
Pjesa e dytë ishte pasqyrë e asaj të parës, pasi dy skuadrat nuk është se shfaqën diç më shumë nga ajo para, por që dy skuadrat ia dolën me shumë mund të shënojnë nga një gol.
Në minutën e 87-të Chelsa fitoi një penallti nga Armando Broja, shkaku i një ndërhyrje të palejuar nga Scott McTominay, Jorginho (87’) e konvertoi atë në gol.
Mirëpo, Casemiro stopoi gëzimin e vendasve, pasi i barazoi shifrat në 1-1 falë një gabimi nga Kepa Arrizabalaga.
Pas javës së 13-të, Chelsea gjendet në vendin e katërt me 21 pikë, me Man United që gjendet në të pestin me 20 sosh.
Në xhiron e 14-të, Chelsea takohet me Brightonin, ndërsa Unitedi ka punë me West Hamin.
