Armando Broja nuk do të debutoj as këtë vikend në Premier League, pasi nuk është grumbulluar për ndeshjen që Evertoni e luan kundër Brentfordit.
Shtabi teknik i Evertonit nuk ka dashur ta rrezikoj Brojën për këtë ndeshje, ndonëse sulmuesi i Shqipërisë është rikuperuar plotësisht nga lëndimi që e pësoi në fazën përgatitore me Chelsean.
Broja, fillimisht do të aktivizohet në fillim të javës së ardhshme me ekipin U21 që luan ndaj Watfordit dhe pastaj do të grumbullohet me ekipin e parë për duelin kampionat kundër Manchester Unitedit.
Dueli mes Manchesterit dhe Evertonit, do të luhet të dielën e ardhshme në stadiumin “Old Trafford” dhe Broja pritet të ketë minutazhën e tij.
23-vjeçari në fillim të këtij sezoni u huazua tek Evertoni, ekip që ka opsionin e blerjes së tij nga Chelsea për 20 milionë euro.
