Sulmuesi Armando Broja pritet të debutojë te skuadra e Burnleyt në këtë vikend.
Kështu ka deklaruar trajneri i Burnleyt, Scott Parker në intervistën e dhënë para ndeshjes kundër Sunderlandit.
Parker nuk ka përjashtuar aktivizimin e Brojës në këtë përballje, pasi sulmuesi nuk ishte pjesë e Burnleyt për ndeshjen e xhiros së parë, humbjen 3:0 ndaj Tottenhamit.
“Armando tani ka pasur një javë kohë, kështu që ka ende punë, për të cilën jam shumë i kënaqur. Pra, po, të gjithë po afrohen, ndoshta, për t’u përfshirë në fundjavë”, ka thënë Parker.
Broja javë më parë u transferua te Burnley nga Chelsea për 25 milion euro dhe me ekipin e ri ka firmosur kontratë deri në vitin 2030.
Ndeshja Burnley – Sunderlandit, luhet të shtunën pasdite dhe i takon xhiros së dytë.
Sunderlandit në fushë do ti prijë kapiteni Granit Xhaka, i cili udhëhoqi ekipin javën e shkuar drejt fitores 3:0 ndaj West Hamit.
