Trajneri Ten Hag me Manchester Unitedi e ka nisur sezonin e ri në Premier League me humbje. Të dielën në “Old Trafford”, Unitedi është mposhtur nga Brightoni me rezultatin 2:1, në ndeshjen e xhiros së parë.
Të dy golat për Brightonin i ka shënuar Pascal Gross në pjesën e parë. Gjermani realizoi në minutat 30’ dhe 39’.
Unitedin nuk e ndihmoi as inkuadrimi në lojë i Cristiano Ronaldos. Portugezi hyri në lojë në minutën e 53-të në vend të brazilianit Fred.
Krejt çka arriti të bëjë Unitedi ishte ngushtimi i epërsisë në 2:1 me autogolin e Alexis Mac Allister në minutën e 67-të.
Vendasit dominuan deri në fund duke krijuar disa raste shënimi, por nuk ia dolën të realizojnë dhe në këtë mënyrë e nisën sezonin me disfatë.
