Deputeti i Aleancës për Ardhmërinë e Kosovës, Lahi Brahimaj ka deklaruar se koalicioni i Lëvizjes Vetëvendosje, Alternativës dhe Listës Guxo, nuk do të sjellin ndonjë risi dhe do të vazhdojnë me situatën e njëjtë deri në fund.
Ai para se të nis seanca konstituive, ka thënë ata do të provojnë me emra që opozita nuk i voton.
“Do të provojnë me emra për të blerë kohë si ka ndodh me Albulenen, Hekuranin, Donikën , emra që nuk janë të kapshëm për opozitën….Qëllimi i Albin Kurtit është zvarritje, ofendim ndaj institucioneve,. Çdoherë kur Gjykata Kushtetuese sjellë një vendim, ata gjejnë forma me degraduar”, tha ai.
Ai ka shtuar se do ta votonin cilindo nga emrat që nuk janë në qeveri dhe nuk ka kanë fyer opozitën dhe luftën çlirimtare.
