Haxhiun nuk e votojmë, por secilin të propozuar që nuk ka qenë pjesë e
Deputeti i Aleancës për Ardhmërinë e Kosovës, Lahi Brahimaj ka thënë se ata do të marrin pjesë në votimin e kryeparlamnetarit në votimin e hapur ashtu siç kanë bërë edhe në seancat e para konstituive.
Sa i përket votimit të kandidatit për kryetar të Kuvendit, ku e drejta e propozimit i takon Vetëvendosjes, ai ka thënë se Albulena Haxhiun si e propozuar nuk do ta votojnë.
Ai ka thënë se kjo parti do ta votojë cilido të propozuar nga LVV-ja që nuk ka qenë pjesë e kabinetit qeveritar .
“Kemi marrë pjesë kur ka qenë votimi i hapur, do të votojmë kundër Albulenës, të shohim pas tri seancave emrat që do të propozohen. Cili do emër që nuk ka qenë në ekzekutiv, ne kemi dhënë propozimet tona, por cilido emër që nuk ka qenë në ekzekutiv ne jemi për me votuar”, ka thënë Brahimaj.
Ai i pyetur për deklarimet e zyrtarëve të LVV-së se partitë opozitare të legjislaturës së kaluar kanë bërë shkelje kushtetuese për mospjesëmarrje në votimin e fshehtë, ka thënë Gjykata Kushtetuese ka konstatuar atë që e kanë thënë si parti se votimi i fshehtë është shkelje kushtetuese.
