Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, tha se mirëpret urdhërarrestin e lëshuar për presidentin e Rusisë, Vladimir Putin nga Gjykatës Penale Ndërkombëtare.
Në deklaratën e Borrell të lëshuar nga BE, thuhet se kjo është nisje e kërkimit të përgjegjësisë për krimet e kryera në Ukrainë nga agresioni rus.
“BE-ja e sheh vendimin e Gjykatës si një fillim të procesit të llogaridhënies dhe mbajtjes së liderëve rusë përgjegjës për krimet dhe mizoritë që ata urdhërojnë, mundësojnë ose kryejnë në Ukrainë. BE-ja shpreh gjithashtu mbështetjen e saj për hetimet nga Prokurori i Gjykatës Penale Ndërkombëtare në Ukrainë dhe bën thirrje për bashkëpunim të plotë nga të gjitha shtetet palë”, tha ai, në një komunikatë të publikuar nga Bashkimi Evropian.
Gjykata Ndërkombëtare Penale (ICC) të premten ka lëshuar urdhërarrest për presidentin rus Vladimir Putin për të cilin pretendon se është përgjegjës për krimet e luftës në Ukrainë.
Rusia ka filluar agresionin kundër Ukrainës më 24 shkurt të vitit 2022./teve1.info/
The decision by the @IntlCrimCourt marks the beginning of the process of accountability, holding Russian leaders to account for the atrocities they are committing in Ukraine. https://t.co/jumSjWIB0q
— Josep Borrell Fontelles (@JosepBorrellF) March 19, 2023
