Përfaqësuesi i Lartë i BE-së për Politikë të Jashtme, Josep Borrell, përmes një postimi në Twitter, ka treguar tri kërkesat që ia ka bërë sot presidentes, Vjosa Osmani.
Borrell ka shkruar se nëse këto kërkesa nuk realizohen, do të ketë pasoja të rënda.
Zgjedhjet e reja lokale tani, sigurimin e pjesëmarrjes së serbëve të Kosovës, fillimi i punës për themelimin e Asociacionit të Komunave me Shumicë Serbe përbrenda dialogut të lehtësuar nga BE-ja. Dështimi për t’i bërë këto, do të ketë pasoja të rënda në marrëdhëniet tona”, thuhet në postimin e Borrell.
Njëherit, Borrell i ka cilësuar si të rrezikshme tensionet në veri të vendit.
“U ula me presidentin Aleksandar Vuçiq, dhe diskutova me presidenten Vjosa Osmani për situatën e rrezikshme në veri të Kosovës. Me presidentin e Francës, Emmanuel Macron, dhe kancelarin e Gjermanisë, Olaf Scholz, jemi takuar bashkë me presidentin Aleksandar Vuçiq dhe presidenten Vjosa Osmani”, ka shkruar tutje Borrell.
