Skuadra e Borës që këtë sezon po debuton në Superligën e Kosovës në basketboll, ka bërë ndryshimin e parë në ekip pas startit të dobët.
Ekipi nga Prishtina ka njoftuar se tashmë ka ndarë rrugët me amerikanin Isiah Mosley, të cilin e pati angazhuar para fillimit të sezonit.
Bora ka bërë të ditur se me marrëveshje të dyanshme është ndërprerë bashkëpunimi me Mosleyn, të cilit i ka dëshiruar suksese të mëtejme në karrierë.
Fundori Mosley në tri paraqitje në elitën e basketbollit kosovar, ka luajtur me një mesatare prej 7 pikëve dhe 5 kërcimeve për ndeshje.
Po ashtu, Bora ka paralajmëruar se së shpejti do të ketë edhe ndryshime tjera në ekip pasi zë vendin e fundit në tabelë me 4 pikë, ku ka regjistruar 4 humbje në po aq ndeshje të luajtura.
