Thiago Motta nuk do të jetë trajner i skuadrës së Bolognas edhe sezonin e ardhshëm.
Me të përfunduar sezoni aktual, Motta do të largohet nga Bologna dhe kjo është konfirmuar edhe nga ekipi italian të enjten. 41-vjeçari mori drejtimin e Bolognas më shtator të vitit 2022 dhe këtë edicion arriti sukses historik pasi siguroi kualifikimin në Ligën e Kampionëve.
Në 75 ndeshje të luajtura me Bolognan, Motta ka regjistruar 35 fitore, 23 barazime dhe 17 humbje.
“Gjatë këtyre dy vjetëve kam takuar një trajner të përgatitur dhe fitues, i cili i ka dhënë ekipit një mentalitet fantastik të lojës. Do të doja që ai të mbetej te Bologna, por vetëm mund ta falënderoj për këtë sezon të mrekullueshëm dhe ti dëshiroj suksese në të ardhmen”, ka thënë presidenti i Bolognas, Joey Saputo.
Pas largimit nga Bologna, Motta pritet të marrë drejtimin e skuadrën e Juventusit, ku do ta zëvendësoj Massimiliano Allegrin e shkarkuar. Me Juventusin, Motta do të firmos kontratë trevjeçare dhe do të ketë pagë prej 5 milionë eurosh në vit.
