Një person i dyshuar për kanosje është arrestuar të enjten në rrugën “Ahmet Krasniqi” në Prishtinë.
Lajmin për teve1.info e ka konfirmuar zëdhënësi i Policisë për rajonin e Prishtinës, Enis Pllana.
Pllana ka bërë të ditur se i dyshuari është duke u intervistuar nga ana e Policisë së Kosovës.
“Sot rreth orës 11:00 kemi pranuar informatën për një rast Kanosje në rrugën Ahmet Krasniqi në Prishtinë. Njësitet policore janë angazhuar menjëherë dhe kanë arrestuar një person të dyshuar, i cili është duke u intervistuar”, ka thënë Pllana.
Ndryshe, Policia e Kosovës më herët gjatë ditës kishte bllokuar për qarkullim të automjeteve dhe kalimtarëve rrugën në lagjen “Arbëri” të Prishtinës në afërsi të Ambasadës së Shteteve të Bashkuara të Amerikës.
Sipas burimeve të Tëvë1 edhe punëtorët e Ambasadës brenda nuk ishin lejuar të dalin jashtë.
