Dy kamionë u përfshinë nga zjarri në orët e para të mëngjesit të së martës.
Flaka kishte përfshirë edhe një veturë e cila i takon një banori serb të veriut.
Ndërsa, pronari i dy kamionëve është një shqiptar që ka një biznes me shumicë.
Zjarri kishte ndodhur si pasojë e 3 mjeteve eksploduese që i ishin vënë maunëve.
Por, menaxheri i kompanisë që i takojnë këta kamionë, tha për Tëvë1 se nuk beson që ky rast lidhet me nacionalitetin, ndërsa theksoi se dëmi prek vlerën 20 mijë euro.
Banorët serbë të lagjes nuk pranuan të flasin por mbrapa kamerave, i thanë televizionit se shpërthimet kanë qenë goxha të mëdha.
Rastin po e heton Policia e Kosovës.
Zëvendësdrejtori i këtij institucioni për rajonin e veriut thotë që dyshimet e para tregojnë se bëhet fjalë për vënie të zjarrit në mënyrë të qëllimshme.
Këtë vit në pjesën veriore të vendit, janë djegur disa vetura.
