Me plis kombëtar në kokë u mblodhën në shtëpinë e kulturës në Malishevë që mban emrin e ish komandantit të UÇK-së, Tahir Sinanit.
Ishte përvjetori i 111 i shpalljes së pavarësisë së Shqipërisë, ajo që i mblodhi gjithë këta pjesëmarrës.
E manifestimi “Dashuria ndaj vatanit është pjesë e imanit” kushtuar festës së flamurit nisi me këndim Kur’ani.
Përpos përfaqësuesve nga Bashkësia Islame e Kosovës pjesëmarrës ishin edhe liderë politik.
E fjalën hyrëse te manifestimit e pati kryetari i Këshillit te Bashkësisë Islame të kësaj komune.
Kurse i pari i komunës falënderoi organizatorët për përkujtimin e të rënëve për liri.
Teksa ish komandanti i UÇK-së, Fatmir Limaj përmendi kontributin e hoxhallarëve në luftën e fundit ne Kosovë.
Për dashurinë ndaj atdheut, myftiu Naim Tërnava thotë se është folur edhe në librin e shenjte islam.
Manifestimi vazhdoi me program artistik ku pati paraqitje edhe aktori i mirënjohur shqiptar, Basri Lushtakku.
