Është hera e parë që erdhën në Kosovë.
E destinacioni i tyre i parë është Xhamia e Çarshisë.
Ndërsa grupi i turqve nga Ankaraja planifikojnë të vizitojnë edhe pjesë tjera të zonës së vjetër të kryeqytetit.
Është pikërisht kjo pjesë e Prishtinës e cila atyre po u jep një ndjesi të veçantë.
Megjithatë, Xhamia e Çarshisë dhe Zona e Mbrojtur e Kryeqytetit mund të transformohet, për shkak që Komuna e Prishtinës po planifikon që në këtë pjesë të ndërtojë tunelin në rrugën “Agim Ramdani.
Andaj arkitieti, Sali Shoshi vlerëson që Komuna për ndërtimin e tunelit duhet të hartojë një raport i cili do trajtojë gjitha detajet e ndërtimit
Ai thekson edhe një herë që mund te këtë efekte negative në objektet e trashëgimisë kulturore nëse nuk ka një plan të detajuar lidhur me procesin e ndërtimit.
Kërkesën e Komunës së Prishtinës për leje të punimeve për tunelin në këtë rrugë, e ka refuzuar edhe Instituti i Kosovës për Mbrojtjen e Monumenteve.
‘Kërkesë për pëlqim rreth projektit të nënkalimit në rrugën Agim Ramadani’, si e tillë nuk aprovohet, pasi që kjo zgjidhje ndikon në ndryshimin e gjendjes urbane të bërthamës së Qendrës Historike të Prishtinës, ku ka ndikime negative në asetet e trashëgimisë kulturore si dhe duke kontribuar në zhdukjen e gjurmëve të trashëgimisë arkeologjike dhe arkitektonike të zhvillimit të qytetit të Prishtinës (që nga parahistoria deri më tani).”, thuhet nga Instituti për Mbrojtjen e Monumenteve.
Pavarësisht kësaj, Komuna e Prishtinës nuk e përfilli refuzimin e Ministrisë së Kulturës.
Të premten në Zyren e Prokurimit u bë hapja e ofertave për tunelin në rrugën ‘’Agim Ramadani’’.
Tëvë1 për këtë çështje kërkoi sqarime nga Komuna e Prishtinës, mirëpo të njëjtët deri në publikimin e kronikës nuk iu përgjigjen televizionit.
