Skuadra e Monzës siguroi për herë të parë në histori ngjitjen në Seri A dhe duke folur për këtë çështje, presidenti Silvio Berlusconi theksoi se shpreson që të jenë një skuadër protagoniste.
“Me Monzën shpresoj të jem protagonist i Serisë A. Monza e meriton sepse nuk kishte një ekip në nivelin e prestigjit të saj”-tha Berlusconi, gjatë një mitingu në Monza.
Më tej ai shtoi se ai ka qenë presidenti me cilin Milani ka pasur më shumë arritje, ndaj thekson se të njëjtën gjë shpreson ta bëjë dhe me Monzën.
“Tre vjet më parë e binda veten të bashkohem me Monza dhe më në fund pas 110 vitesh arritëm në divizionin e lartë. Unë mbetem ende presidenti i klubit të futbollit që ka fituar më shumë në historinë e futbollit botëror, i Milanit tim.”-deklaroi Silvio Berlusconi.
