Kandidati i Aleancës për Ardhmërinë e Kosovës për kryetar të Prishtinës, Bekë Berisha, ka treguar planet e tij për lagjen “Kodra e Trimave”.
Ai ka thënë se si çdo lagje në rritje, ajo ka nevojë për investime dhe përmirësime që do të sjellin kushte më të mira jetese për familjet që jetojnë aty.
“Çka ka me bo Beka për Kodrën e Trimave?
Kodra e Trimave është një nga lagjet më të mëdha dhe më të gjalla në Prishtinë, me njerëz punëtorë, patriotë dhe plot energji për të ndërtuar një të ardhme më të mirë. Por, si çdo lagje në rritje, ajo ka nevojë për investime dhe përmirësime që do të sjellin kushte më të mira jetese për familjet që jetojnë këtu.
Sot, Beka u takua me qytetarët e Kodrës së Trimave, në një takim ku u prit me shumë entuziazëm nga kandidatja për Asamble, Arlinda Rama.
Arlinda mori fjalën dhe pas saj shumë qytetarë patën për të thënë diçka, të gjithë me një qëllim të përbashkët: që Kodra e Trimave të ketë dinjitetin që e meriton. Nuk ka me mbetë më e harruar si deri më tani”, thuhet në postimin në Facebook.
