Anëtari i Partisë Demokratike të Kosovës, Hisen Berisha ka deklaruar se në zgjedhjet e 28 dhjetorit, PDK do të garojë e vetme. Pasi sipas tij, PDK ka kapacitet si dhe program ambicioz për zhvillimin e një shteti.
Berisha ka folur edhe për situatën e punësimit në Kosovë, duke theksuar se të rinjtë të cilët kanë një diplomë universitare nuk gjejnë punë në Kosovë dhe nuk shohin perspektivë në të.
Ngase, siç tha ish-deputeti sistemi arsimor dhe profilet profesionale nuk përputhen me nevojat e shtetit, duke potencuar se të rinjtë detyrohen të ikin jashtë shtetit.
“Partia Demokratike po thuajse ka të drejtë të garojë e vetme, në kuptimin e saj kur thotë e vetme brenda saj ka komponentë profesionale sipas dikastereve që duhet të zhvillohet shteti. Të gjithë të rinjtë që marrin një diplomë universitare nuk gjejnë punë në Kosovë dhe nuk shohin perspektive në Kosovë, sistemi arsimor dhe profilet profesionale nuk përputhen me nevojat e shtetit të Kosovës sepse të rinjtë me ato tituj dhe diploma s’gjejnë punë në Kosovë, detyrohen të ikin jashtë”, ka deklaruar Berisha në emisionin “Mesditë” në Tëvë1./teve1.info/
