Deputeti Berisha në Kuvend, tha se komunikimi i kryeministrit Kurti me NATO-n dhe SHBA-në, në këtë situatë është i domosdoshëm.
“Unë do të jem i shkurtër. Kryeministër ti duhesh me dalë prej lugut që ta ka pregatit Vuçiqi. Unë pritoj me dhanë edhe porosi të cilat dihen, por komunikimi me NATO-n e Amerikën për siguri është i domosdoshëm dhe është detyrë e jotja nuk ka të bëjë këtu me vullnetin tënd”, tha ai.
Tutje ai protestat e djeshme të serbëve në veri të vendit i ka cilësuar si protesta të stilit të Gazimestanit e të ish-presidentit serb Slobodan Millosheviq.
“Protestat e stilit të Gazimestanit e të Milloshit në Fushë-Kosovë janë metoda të shekullit të kaluar, ato as nuk e ndihmojnë zgjedhjen e problemit mes dy shteteve e dy kombeve, as nuk e ndihmojnë qytetarin e cilitdo komunitet në Kosovë. Pra Vuçiqi duhet me i ndalë këto kopje të lodhta të shekullit të kaluar të stilit të kasapit të Millosheviqit, sepse as nuk na trembin e as nuk kan kurfarë efekti”, tha tutje ai./teve1.info./