Deputeti i Partisë Demokratike të Kosovës, Hysen Berisha gjatë seancës së jashtëzakonshme për çështjen e ushqimit në FSK, ka thënë se kjo gjendje në FSK është si pasojë e keqmenaxhimit të ushtrisë nga Qeveria.
Ai ka thënë se ushtarët, oficerët, nënoficerët nuk po e lënë punën për shkak të mungesës së ushqimit apo bashkimit familjar, siç tha ai’ apo trillimeve tjera që pushteti është munduar të mbrohet nëpër media’ por sipas tij, ushtarët e oficerët dhe nënoficerët po e lënë punën për shkak të kushteve të shërbimit jo dinjitoze, siç janë pagat, manipulimet me gradime jo meritore trajtimet jashtë vendit po ashtu me manipulime, puna jashtë orarit dhe moskompenzimit, mungesa e transportit.
Në seance ai përmendi edhe mungesën e pozitës.
“Dua ta vë në pahë se kështu kanë munguar çdo herë deputetët e pushtetit, kur duan të përballen në debate ku flitet me gjuhen e nevojave të popullit kur duhet të përballen me premtimet e papërmbajtura dhe kauzat e rrejshme metë cilat kanë ardhur në pushtet“ – tha ai.
“Asnjëherë nuk do të dëshiroja të flas rreth ushtrisë për probleme, për një ushtri ku të rinjtë nuk konkurojnë për t’u bërë pjesë e krenarisë që të jep uniforma, arma dhe detyra e ushtarakut, e më keq për një ushtri nga e cila ikin ushtarët, nënoficerët dhe oficerët për shkak të kuishteve të shërbimit jo dinjitoze, për paga, çizme, unifroma për mungesë të ushqimit, kjo është njëra anë e pasojave e keqmenaxhimit të ushtrisë sonë por e vërteta është se asnjë ushtarë se kanë lënë uniformën për shkak të ushqimit, apo bashkimit familjar e tjera trillime që janë mundu të mbrohen nëpër media” – u shpreh ai.
„Janë njëmori shkaqesh demotivuese tjera, siç janë pagat dhe kushtet e shërbimit jo dinjitoze, manipulimet me gradime jo meritore trajtimet jashtë vendit po ashtu me manipulime, puna jashtë orarit dhe moskompenzimit, mungesa e transportit“
Tutje, Berisha, tha se kryeministri Kurti për efekte elektorale kishte premtuar shërbim të detyrueshëm ushtarak, por sipas tij, ai nuk arriti ta sigurojë bukën për ushtarët e FSK’së.
“Albin Kurti, për efekte elektorale, premtoi shërbimin e detyrueshëm ushtarak në Kosovë, por ai nuk arriti të krijojë kapacitete që të sigurojë bukën për ushtrinë që e kemi krijuar. Ky është mashtrimi i madh i Albin Kurtit”, tha Berisha.
Ai po ashtu tha se kjo qeveri ka agjendë për zhbërjen e shtetit të Kosovës.