Karim Benzema ka shkëlqyer në fitoren e Real Madridit përballë Almerias të shtunën mbrëma.
Real Madridi fitoi me rezultatin 4:2, ndërsa Benzema e shënoi “hat-trickun” e tretë në tetë ndeshjet e fundit.
Me tri golat e shënuar në kuadër të xhiros së 32-të të La Ligas spanjolle, Benzema kalon i katërti në renditjen e shënuesve më të mirë në La Liga me 234 gola në total. Listës i prin Lionel Messi me 474 gola.
Sulmuesi francez e kompletoi tregolëshin në pjesën e parë, me golat e minutës së pestë, të 17-të dhe të 42-të.
Lazaro shënoi për mysafirët në minutën e parë të shtesës në pjesën e parë.
Rodrygo dy minuta pas pushimit shënoi për 4:1, kurse Lucas Robertone në minutën e 61-të, vulosi rezultatin e këtij ballafaqimi.
Real Madridi në pozitën e dytë në La Liga ka 68 pikë. Almeria në luftë për mbetje në elitë ka 33 pikë.
