Pas një heshtjeje të gjatë, Ben Affleck ka folur për herë të parë mbi ndarjen e bujshme nga Jennifer Lopez, duke rikthyer në qendër të vëmendjes “Bennifer”.
Aktori 52-vjeçar, në një koment që citohet nga burime pranë tij për “RadarOnline”, ka bërë një deklaratë që i ka befasuar fansat.
“I uroj fat… sepse të dalësh me JLo nuk është gjë e vogël”.
Kjo deklaratë vjen në një kohë kur Lopez raportohet se ka nisur një lidhje të re me aktorin britanik Brett Goldstein, 41 vjeç, i njohur për rolet në komeditë romantike. Por Affleck nuk ngurron të japë një paralajmërim për “pasardhësin” e tij në jetën sentimentale të këngëtares dhe aktores së famshme:
“Brett duket si një djalë i mirë… por ai është gati të hahet i gjallë nga uragani JLo”, citohet të ketë thënë Afleck.
Affleck nuk fshihet pas fjalëve dhe përshkruan Jennifer Lopez si një person me energji të jashtëzakonshme, por me një stil jetese dhe standarde që, sipas tij, nuk janë të përballueshme për të gjithë:
“Jennifer është kërkuese, ka standarde të pamundura dhe një ritëm jete që jo të gjithë mund ta ndjekin. Unë nuk munda, dhe e konsideroj veten një person mjaft të ekuilibruar”, ka shtuar ai.
Kujtojmë që çifti u ribashkua në vitin 2021, kur historia e tyre e dashurisë mori një kthesë të papritur pas shumë vitesh ndarje. Ata u martuan në një ceremoni të thjeshtë në Las Vegas dhe më pas organizuan një dasmë luksoze në vitin 2022.
Megjithatë, martesa përfundoi zyrtarisht në gusht 2024, në përvjetorin e dytë të martesës së tyre.
Deklarata e Affleck duket si një reflektim i sinqertë mbi një histori dashurie të përfolur, por edhe një paralajmërim për ata që synojnë të jenë pjesë e botës së stuhishme të Jennifer Lopez.
