Bekim Sejdiu është prezantuar si kandidati konsensual për president nga Lëvizja Vetëvendosje dhe Lidhja Demokratike e Kosovës.
Ish-gjyqtari i Gjykatës Kushtetuese u prezantua të hënën pas takimit që zhvilluan Kurti e Abdixhiku.
Kryetari i LDK-së që foli për media tha se janë zhvilluar takime të gjata dhe jo të lehta.
Ai duke vlerësuar kontributin dhe përgatitjen e Sejdiut ka bërë thirrje që të ecët pa vonesa në formimin e institucioneve.
“Kemi pasur takime të gjata, me diskutime të vazhdueshme dhe mjaft intensive. Të dyja palët kemi qenë të përkushtuar që të përcaktohemi për një emër konsensual për Presidentin e Republikës së Kosovës. Gjatë diskutimeve janë përmendur shumë emra personalitetesh të shquara që kanë mbështetje edhe në popull, edhe në shumë vende të Kosovës, që kanë dhënë kontribut profesional dhe kombëtar në shoqërinë tonë dhe që kanë vlera demokratike e shtetërore. Nga të gjithë emrat që janë propozuar e shqyrtuar, në mesin e të cilëve të gjithë ishin individë të dalluar, gjatë diskutimeve të përbashkëta jemi dakorduar për një emër dhe ai është Profesor Doktor Bekim Sejdiu. Karriera e Profesor Doktor Sejdiut është e shquar dhe e pasur, me përvojë të ndryshme e pozita të rëndësishme“, tha Abdixhiku./teve1.info/
