Presidenti i Shqipërisë, Bajram Begaj ka mirëpritur vendimin Këshillit të Ministrave të BE-së lidhur me liberalizimin e vizave për Kosovën.
Begaj ka thënë se ky proces duhet të mbyllet sa më shpejt dhe qytetarët e Kosovës të ndihen të barabartë me atë të vendeve tjera të Ballkanit Perëndimor.
“Përshëndes hapin e rëndësishëm të ndërmarrë nga Këshilli i Bashkimit Evropian lidhur me lëvizjen e lirë, pa viza te qytetarëve të Kosovës ne hapësirën Shengen! Uroj që ky proces të përmbyllet sa më shpejt dhe qytetarët e Kosovës të ndjehen njësoj si qytetarët e tjerë të Ballkanit Perëndimor!Një vendim shumë i merituar”, ka shkruar ai.
Këshilli sot ka miratuar me unanimitet vendimin për liberalizimin e vizave për Kosovën.
“Këshilli sot miratoi qëndrimin e tij në lexim të parë për lëvizjen pa viza për poseduesit e pasaportave të lëshuara nga Kosova. Rregullat e reja do t’i lejojnë mbajtësit e pasaportave të Kosovës të udhëtojnë në BE pa vizë për një periudhë qëndrimi prej 90 ditësh në çdo periudhë 180 ditore. #EU2023SE”, thuhet në njoftimin e KE-së”, thuhet në njoftimin e Presidencës suedeze./teve1.
