Presidenti i Shqipërisë, Bajram Begaj, ka thënë se Kosova e pavarur është një realitet që s’kthehet asnjë herë më prapa.
Ai ka thënë se Shqipëria dhe Kosova janë më shumë se dy shtete dhe se ato ecin bashkë drejtë Bashkimit Evropian
“Shqipëria dhe Kosova janë më shumë se dy shtete, ne jemi në komb, një gjat një flamur një histori, të cilat janë të lidhura përjetësisht. Kosova e pavarur është një realitet që nuk kthehet pas, një relaitet që është fituar me gjak dhe sakrificë. Liria e Kosovës është një garanci për paqen dhe stabilitetin në rajon. E ardhmja jonë është e përbashkët. Nuk ka Shqipëri të fuqishme pa Kosovën e fortë, nuk ka Kosovë të sigurt pa një Shqipëri të qëndrueshme dhe të zhvilluar. Në ecim bashkë në Bashkimin Evropian”, ka thënë Begaj në një ceremoni të veçantë, ku nën patronatin e presidentes Vjosa Osmani, u ndan Dekorata Presidenciale, për personalitete të shquara vendore dhe ndërkombëtare.
Ai ka kujtuar edhe kohën kur Shqipëria po shënonte fitoren ndaj komunizmit dhe kur atje nisen të përgatiteshin grupet e para të Ushtrisë Çlirimtare të Kosovës.
“Në vjeshtën e vitit 1991 në Shqipëri diktatura më e vjetër komuniste po shkërmoqej dhe vendi po orientohej jo pa sfida drejt vlerave euroataltike. Në atë kohë disa burra bënë atë që historia ua kërkoi, nisën stërvitjet e grupeve të para të luftëtarëve të lirësisë së Kosovës. Respekt dhe mirënjohje për grupin e ushtarakëve shqiptarë”, tha Begaj./teve1.info/
