Kryetari i Partisë Demokratike të Kosovës dhe kandidati për kryeministër, Bedri Hamza, ka reaguar ndaj ndërprerjeve të energjisë elektrike, duke theksuar se sonte, në Klinë, sërish ka pasur shkyçje gjatë tubimit elektoral të partisë.
Sipas Hamzës, mungesa e energjisë elektrike është kthyer në një dukuri të shpeshtë për qytetarët.
“Sonte na u ndalë rryma në Klinë. Kjo tashmë është bërë rutinë. Ky ishte shërbimi i veçantë i kësaj qeverie për pesë vjet”, ka deklaruar ai.
Hamza ka theksuar se situata në sektorin e energjisë pasqyron dështimin e qeverisjes aktuale për të ofruar shërbime bazike dhe funksionale për qytetarët.
Duke folur për zgjedhjet e 28 dhjetorit, ai i ka cilësuar ato si një mundësi për ndryshim dhe për një qeverisje më të përgjegjshme.
“Më 28 dhjetor, le ta ndriçojmë të ardhmen e Kosovës me votën tonë. Më 28 dhjetor, votoni për një qeveri që punon,” ka deklaruar Hamza, duke e përmbyllur mesazhin me sloganin “Bashkë. Përpara”, ka shkruar ai në Facebook.
