Zëdhënësi i BE-së, Peter Stano, ka mirëpritur vendimin e Serbisë për të njohur zyrtarisht targat e automjeteve RKS të lëshuara nga Kosova.
Duke iu përgjigjur disa pyetjeve të Tëvë1 rreth këtij vendimi, Stano ka deklaruar se nga ky vendim, tashmë është e mundur të arrihet progres në procesin e normalizimit të marrëdhënieve ndërmjet Kosovës dhe Serbisë.
Po ashtu, Stano ka potencuar që Bashkimi Evropian tani pret që Kosova të përgjigjet në mënyrë të ngjashme.
“Ne mirëpresim vendimin e Serbisë për të njohur zyrtarisht targat e automjeteve RKS të lëshuara nga Kosova. Ky vendim është një hap pozitiv në zbatimin e Marrëveshjes për Rrugën e Normalizimit, si dhe në angazhimet e kaluara të Dialogut lidhur me Lirinë e Lëvizjes. Ajo tregon se është e mundur të arrihet progres në procesin e normalizimit të marrëdhënieve ndërmjet Kosovës dhe Serbisë. Ai përbën gjithashtu një hap në drejtimin e duhur drejt një integrimi më të mirë rajonal dhe evropian të Ballkanit Perëndimor, nga i cili në fund përfitojnë qytetarët e rajonit. Ky vendim i hap rrugën heqjes së plotë të regjimit të afisheve. BE-ja tani pret që Kosova të përgjigjet në mënyrë të ngjashme.”, thuhet në përgjigjen e Stanos.
Qeveria e Serbisë ka marrë vendim që prej 1 janarit të viti 2024 të lejojë veturat me targat RKS pa stikers, në territorin e saj.
Këtë vendim e ka përshëndetur edhe Bashkimi Evropian, teksa e ka cilësuar si hap pozitiv drejt normalizimit të raporteve./teve1.info/.
