Zyra e Bashkimit Evropian në Kosovë ka mirëpritur emërimin Zejnulla Gashit, Kryeprokuror të Shtetit.
Në reagimin e kësaj zyre thuhet se Kryeprokurori i ri ka një mandat në sigurimin e integritetit, llogaridhënies dhe luftimit e korrupsionit të nivelit të lartë.
“BE-ja në Kosovë mirëpret emërimin e Kryeprokurorit të Shtetit pas më shumë se katër vitesh marrëveshjesh për detyrën e prokurorit. Përpara zotit Gashi është zbatimi i një mandati të përqendruar në sigurimin e integritetit dhe llogaridhënies prokuroriale dhe luftimin e korrupsionit të nivelit të lartë dhe krimit të organizuar”, thuhet nga Zyra e BE-së.
Gashi ka pranuar të mërkurën zyrtarisht detyrën, pasi një ditë më parë ishte dekretuar nga ushtruesja e detyrës së presidentes, Albulena Haxhiu, pas nomiminit nga Këshilli Prokurorial i Kosovës.
