Bashkimi evropian ka deklaruar se ka dërguar më shumë se 100 vëzhgues të cilët do të monitorojnë mbarëvajtjen e zgjedhjeve qendrore të 9 shkurtit në Kosovë.
Shefja e Misionit të Bashkimit Evropian për Vëzhgimin e Zgjedhjeve në Kosovë (EOM), Nathalie Loiseau, anëtare e Parlamentit Evropian, ka deklaruar se BE kanë dërguar më shumë se 100 vëzhgues në terren, duke thënë se “ne do i kushtojmë vëmendje çdo gjëje.”
“ Ne po i kushtojmë vëmendje për të parë nëse çdokush është duke e respektuar Ligjin Elektoral që është adoptuar në Kosovë, standardet ndërkombëtare për zgjedhjet dhe gjithashtu edhe rekomandimet që BE ka dhënë zgjedhjet e kaluara.”
“Ne u bëjmë thirrje qytetarëve të shfrytëzojnë të drejtën e votës”.
Ajo ka bërë të ditur që më 11 shkurt do dalin me komunikatën e parë për media për të dhënë detaje mbi mbarëvajtjen e procesit zgjedhor./teve1/
