Stavros Lambrinidis, përfaqësuesi i Bashkimit Evropian në Kombet e Bashkuara, ka kritikuar mungesën e veprimeve të Serbisë për të sjellë para drejtësisë autorët e sulmit të 24 shtatorit 2023 në Banjskë, në të cilin u vra rreshteri policor Afrim Bunjaku.
Në fjalimin e tij gjatë mbledhjes së Këshillit të Sigurimit të OKB-së, Lambrinidis theksoi se Serbia nuk ka bërë përpjekje të mjaftueshme për të hetuar dhe ndjekur penalisht përgjegjësit e këtij sulmi në veri të Kosovës.
Ai shtoi se kjo qëndrim mbështetet nga të gjitha shtetet anëtare të BE-së, si dhe nga vendet kandidate, përfshirë Shqipërinë.
Përfaqësuesi i BE-së gjithashtu theksoi rëndësinë e avancimit të normalizimit të marrëdhënieve mes Kosovës dhe Serbisë, duke e cilësuar këtë si një element kyç në rrugën evropiane të të dyja vendeve.
Ai shprehu shqetësim për situatën në veri dhe bëri thirrje për frenimin e çdo veprimi të njëanshëm nga të dyja palët.
Lambrinidis u ndal edhe te zgjedhjet lokale të 12 tetorit, për të cilat përgëzoi pjesëmarrjen aktive të të gjitha komuniteteve.
Ai bëri apel për një dorëzim paqësor të pushtetit te kryetarët e zgjedhur në komunat veriore dhe kërkoi nga autoritetet e Kosovës që të lejojnë riintegrimin e serbëve në institucionet shtetërore të vendit./teve1.info/
