Bashkimi Evropian po e heton Google për uljen e renditjes së përmbajtjeve komerciale nga mediat e lajmeve digjitale.
Zyrtarët thonë se disa nën-domeina me përmbajtje të krijuar me reklamues po u jepeshin një prioritet kaq të ulët në Google sa përdoruesit nuk mund t’i gjenin më, duke shkaktuar humbje të dukshmërisë dhe të ardhurave për gazetat.
Hetimi nuk ka të bëjë me indeksimin e përgjithshëm të lajmeve, por me përmbajtjen komerciale të palëve të treta. Sipas Ligjit për Tregjet Digjitale, Google duhet t’u ofrojë botuesve kushte të drejta dhe jo-diskriminuese për qasje në Search (motori i kërkimit), sipas The Guardian.
Zyrtarët po kërkojnë prova nga botuesit për ndikimin në trafikun dhe të ardhurat e tyre. Teresa Ribera, nënkryetare e Komisionit Evropian, tha se BE-ja do të sigurojë që portat digjitale të mos pengojnë në mënyrë të padrejtë bizneset që varen nga ato.
Hetimi vjen në një kohë kur mediat tradicionale përballen me sfida financiare dhe kërcënime nga inteligjenca artificiale, dhe mund të rezultojë në gjoba deri në 20% të të ardhurave vetëm në rast të mos-përputhjeve sistematike nga Google.
