Gjiganti gjerman, Bayern Munchen duket se ka një simpati për futbollistët holandez, derisa së fundmi kanë gjetur gjuhën e përbashkët me Daley Blind, i cili i dha fund aventurës me Ajaksin në ditën e parë të vitit 2023.
Mbrojtësi i majtë do të firmosë deri në fund të sezonit me kampionët e Gjermanisë sipas raportimeve të shtypit holandez.
32-vjeçari luan edhe në qendër të mbrojtjes, teksa bën mirë edhe rolin e “shkatërruesit”. Trajneri Nagelsmann ka humbur shërbimet e Lucas Hernandez (i dëmtuar) dhe drejtuesit kanë nxitur të sigurojnë shërbimet e Blind me parametra zero.
Ky i fundit ka një eksperiencë të madhe. Lojtari nga Amsterdami ka fituar tituj me Ajaksin dhe Manchester United, teksa ka veshur 99 herë fanellën e kombëtares holandeze. Blind do i bashkohet në Bavari lojtarëve të tjerë holandezë si Matthijs De Ligt e Ryan Gravenberch.
