Bayern Munichu dhe Paris Saint-Germaini, janë dy skuadrat e para çerekfinaliste të Ligës së Kampionëve.
Si Bayerni ashtu edhe PSG-ja, triumfuan në ndeshjen kthyese të 1/8 së finales të Championsit që u zhvilluan të martën mbrëma.
Bayerni eliminoi skuadrën e Lazios, ndërsa PSG-ja e tregua më i fortë se Real Sociedadi. Pas humbjes në ndeshjen e parë në Itali (1:0), Bayerni në duelin e kthimit iu revanshua skuadrës së Lazios.
Në duelin e luajtur në stadiumin “Allianz Arena”, Bayerni triumfoi me shifrat 3:0 për të avancuar në çerekfinale. Sulmuesi Harry Kane (39’, 66’) me dy gola dhe Thomas Mueller (45’+2) me një tjetër, i dhanë fund dilemës së ekipit që kaloi me sukses fazën e 1/8 së finales.
Ndërkohë, Paris Saint-Germaini vetëm e konfirmoi kualifikimin në çerekfinale pasi triumfoi edhe në duelin e kthimit të luajtur në Spanjë. Në ndeshjen e parë, Parisii triumfoi (2:0), ndërsa të dytën e fitoi me rezultatin e ngushtë 2:1 për të avancuar tutje.
Dy golat për PSG-në, i realizoi sulmuesi Kylian Mbappe (15’, 56’), ndërsa golin e nderit për Sociedadin e shënoi Mikel Merino (89’).
