Policia e Kosovës në koordinim me Doganën e Kosovës kanë kryer bastisje në një poligon të armëve nën dyshimin për keqpërdorim të lejes për shitjen e armëve.
Sipas PK-së gjatë kontrollit në objektin e kompanisë dhe shtëpinë e të dyshuarit janë gjetur 14 leje armësh në emër të të dyshuarit, si dhe armë e municion të cilat janë sekuestruar.
“Njësitë policore në koordinim me Doganën e Kosovës, nën dyshimin e bazuar se një operator ekonomik (poligon i armëve), është duke keqpërdorur lejen për shitjen e armëve duke i shitur ato në mënyrë ilegale, ka realizuar inspektim ku gjatë kontrollit të kryer në objektet e kompanisë si dhe shtëpinë e të dyshuarit mashkull kosovar, në cilësi të provave materiale janë gjetur dhe konfiskuar: 14 leje armësh në emër të të dyshuarit, një pushkë gjuetie (pa leje), 33 fishekë të pushkës së gjuetisë, një karikator i automatikut AK-47, dy fishekë të armës me gas”, thuhet në raportin 24- orësh./teve1.info/
